Harapash me djath e qumësht

Përbërësit:
50 gr gjalp
1 gotë miell misri
1 gotë ujë
1 gotë qumësht ose dhallë
3-4 lugë gjelle djath të thërrmuar

Përgatitja:
Shkrijmë gjalpin dhe kaurdisim miellin e msirit deri sat ë zverdhet lehtë. Shtojmë ujin, qumështin osë dhallën nëse e doni me shije më majhoshe. Shtojmë djathin e thërrmuar dhe rregullojmë shijen me kripë në varësi të kripës që ka djathi. E lëmë masën të ziejë deri sa të shkëputet nga tenxherja.

Nëse e preferoni oshmarin më të hollë i shtojmë 1 gotë ujë, qumësht ose dhallë pak më shumë dhe e gatuajmë në raportin 1 masë miell dhe 3 masa lëng, varet nga preferencat tuaja.