ألقى الرئيس عبدالفتاح السيسي، كلمة حيا فيها الخريجين وشباب الجامعات، مؤكدًا أن الشباب والجيش والشرطة والشعب إيد واحدة.

أضاف السيسي: «أنا الحقيقة كنت عايز مجموعة من شباب مصر وشباب الجامعات يحضروا معانا الاحتفال».

وتابع: «خليني وأنا بينكم أقولكم.. عارفين إن إنتوا كلكم ولاد مصر.. والشباب ده شباب مصر وإنتم كمان شباب مصر.. محدش يخش بينكم هما موجودين علشانكم علشان يحموكم.. وعلشان كده كان مهم أؤكد على المعنى ده دلوقتي.. لازم المصريين كلهم يبقوا إيد واحدة».

وأوضح: «الشباب اللي اتخرج ده لازم يكون مستعد يبذل روحه ودمه علشان خاطر أهله وناسه، وعايز أقولهم كمان خلي بالك من أهلك وناسك إوعى أبدًا تجور وتظلم».

قال الرئيس عبد الفتاح السيسي رئيس الجمهورية، "دائما هكون معاكم وأتكلم معاكم بشفافية وصدق وأمانة، لأنها مسئوليتنا جميعا، والصراحة يجب أن تكون واضحة عند الحديث عن التحديات الاقتصادية التي تواجه البلد".

وأضاف "السيسي"، خلال كلمته أثناء تخريج الدفعة "108" حربية اليوم الثلاثاء، أن العجز في الموازنة هذا العام يصل إلى 2 تريليون جنيه، وانه أبلغ الحكومة بعدم امكانية التصديق على الموازنة الجديدة بشكلها الحالي، مشيرا إلى أن العشرة أشهر الماضية كانت مصر تعتمد على الأشقاء العرب، متسائلا "لحد إمتى هنفضل كده"؟.

وأعلن الرئيس عن تنازله عن نصف راتبه ونصف ما يملك بما فى ذلك ميراثه عن والده من أجل مصر، مؤكدا ان هذا الوقت هو وقت التكاتف والوحدة من اجل مصلحة الوطن".

وتابع "بصراحة مش هقدر ألبي مطلب فئوية الآن، ومحتاجين نيجي على نفسنا شوية، وأن نتخذ العديد من الإجراءات العاجلة من أجل إصلاح المنظومة الاقتصادية، وأن نضع الأجيال القادمة في اعتبارنا".
Join and Follow us on :
Facebook : http://www.facebook.com/baladtv
Twitter : http://twitter.com/baladtv
WebSite : http://www.elbaladtv.net
YouTube : http://www.youtube.com/baladtv