صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

في شوطين هما امتداد لشوطي مباراة اسوان الزمالك البطيء الممل منزوع الروح بينقذ بدايته للدوري المصري من مصير تشيلسي في انجلترا

مبدئيا في 3 نقط سريعة .. باسم مرسي ملعبش انهارده فلا يجوز الكلام عنه بأي شيء غير انه بيتجه بسرعة الصاروخ نحو الخالد قمرزون .. كهربا في مفارقة غريبة سجل هدفين لكنه كان من اسوء لاعيبة الزمالك و قدم اداء لا يليق بمستواه هو .. مصطفى فتحي للماتش التاني على التوالي بيجسد الأهمال و الرعونة و عدم الأعتناء .. معروف مش فاهم مش مجمع مش شايف ابيض من اسود و في لحظات معينه بيجدف .. الرباعي ده تحديدا كان من اهم اسباب البؤس اللي عاشه الزمالك لمدة 90 دقيقة على ملعبه امام فريق ضعيف

كالعادة فيريرا بيعتنق مذهب ال4-3-3 غير مجادل ولا مناقش .. اي كانت الأسماء المتاحة بتتأيف لخدمة ال4-3-3 العليا .. حفني للمره التانية في يمين نص الملعب عشان اولا يفقدك صلابة نص الملعب الدفاعية و ثانيا يستهلك هو نفسه بدنيا و هو مش ناقص و ثالثا تتزحم الناحية اليمين بحفني و عمر و مصطفى فتحي .. كومبو مشاكل فنيه بسبب التوظيف ده للاعيب المفروض ان دوره يحللك اصلا مشاكلك

زمالك الشوط الأول بطيء ممل هجوميا بلا جمله و لا تكتيك جماعي .. مفيش لا وان تو حتى دوبل باص سرعة في الرتم .. مفيش اي حاجة .. لو موصلكش كهربا باختراق فردي مش هنوصل .. منطقة جزاء الأنتاج في العرضيات مفيهاش غير باسم .. لو الهجمه من اليمين بيدخل معاه كهربا فتحصل خطورة زي الجول الأول لو الهجمة من ناحية كهربا اصلا لا حفني و لا مصطفى فتحي بيدخلوا ال18 و بيفضل باسم اللي هو اصلا مش موجود لوحده

بعيدا عن بؤسنا في الضغط على الخصم الأنتاج بيلعب كروسات طويلة على اجناب الملعب .. تصدى عادل جمعة لاحمد مجدي ناحية الشمال بينما اتفتحت الجبهة اليمين على البحري ..نزول ابراهيم عبد الخالق عشان يبقى نص ملعب عادي طبيعي زي مخاليق ربنا

رغم سوء مستواه و انهيار مستوى امير عبد الحميد الا ان جول كهربا التاني بتاع لاعيبة كبار برضه .. مش سهل تقابلها بشمالك فيرست تايم بالدقه و الحلاوة دي .. يحسب لكهربا في ظل سوء مستواه ان القليل منه بيظل مفيد

ظهور جيد تاني على التوالي من محمد ابراهيم قاتل و استخلص و شكل خطورة .. انتاج محمد ابراهيم في الشوية اللي نزلهم بانتاج مصطفى فتحي اخر ماتشين على بعض

فجر تحكيمي اتدارى عليه و اتنسى بسوء مستوانا و ال3 نقط لكن احنا مش هنداري .. .. ضربات جزاء لينا متحسبتش و واحده وهمية علينا تتحسب .. انذارات هنا تتحسب و طرد هناك يتطنش عليه .. ده غير السلطات .. يعني اوفسايدات غلط كرات مشتركة يبص الناحية التانية كده .. اكتبوا اسم محمود البنا ده و افتكروه كويس

في سياق اكثر اتصالا من اي سياق .. لا يليق وصف السنه الأخيره من عمر منظومة كرة اليد في الزمالك من مجلس ادارة اجتهد ولم شتات فريق ممزق و اجهزة فنية اشتغلت بالعرق و الدم و لاعيبة اساطير بالمعنى الحرفي لكلمة اساطير الا بملحمة.