ဧရာဝတီ၊ ဖဖော်ဝါရီ ၂၁၊ ၂၀၁၉

တိုးတက်ပြောင်းလဲလာတဲ့ဒီမိုကရေစီခေတ်မှာ တိုင်းရင်းသားတွေရဲ့ Identity ကိစ္စ၊ အမျိုးသမီးတွေရဲ့ Identity ကိစ္စ တွေဟာ အရေးကြီးလာပြီး အုပ်စုတစ်ခုချင်းစီရဲ့ Identity ကိစ္စတွေကို ရှေ့တန်းတင်ပြီး ပြောဆိုလာကြပါတယ်။

ဒီကိစ္စရပ်တွေဟာ ၂၁ ရာစုရဲ့ ကမ္ဘာ့နိုင်ငံရေးလို့ ပြောမယ်ဆိုလည်း ပြောလို့ရပါတယ်။ ဒီမိုကရေစီသက်တမ်းနုနယ်သေးတဲ့ မြန်မာနိုင်ငံမှာရော Identity ကိစ္စတွေဟာ ဘယ်လောက်အထိရိုက်ခတ်နေပြီလည်း ဆိုတာကို ဒီတစ်ပတ် ဧရာဝတီ အမျိုးသမီးကဏ္ဍမှာဆွေးနွေးသွားကြမှာ ဖြစ်ပါတယ်။

စာရေးဆရာမ ဒေါ်မွန်မွန်မြတ်၊ NLD ရဲ့ ဗဟိုပြန်ကြားရေးကော်မတီ အတွင်းရေးမှူး မုံရွာအောင်ရှင်နဲ့ အေးချမ်းမြန်မာအင်စတီကျူ့ရဲ့ မူဝါဒရေးရာ အကြံပေး ဆလိုင်းအိုက်ဇက်ခင်တို့က ဆွေးနွေးထားကြပါတယ်။