Pasi janë qetësuar për disa çaste protestuesit, kanë thyer për së dyti kordonin e policisë vendosur para kryeministrisë. Protestuesit i janë afruar godinës së kryeministrisë, ku me dy gishtat lart dhe me vuvuzela kanë qëndruar të bashkuar para derës hyrëse të godinës.
Garda e Republikës është detyruar sërish të hedhë gazin lotsjellës. Protestuesit nuk janë ndalur me kaq. Kanë shkuar në anën tjetër të kryeministrisë, në pjesën e gjelbër të saj dhe kanë dëmtuar një tjetër instalacion, atë të kërpudhës, e cila gjithashtu ishte e rrethuar me një skelë mbrojtëse.