كلمات الموضوع
#مهرجان_حكاية_التوأم
#غناء ليثي الكروان وسعيد فتله
#توزيع فلسطيني ريمكس
#كلمات مصطفي #الجن وحسين #الاسطوره ✍✌
#قلم_الابداع_يتحدث
...................................
حافظ علي صاحبك واحميه
مهما الدنيا عليكو تلقم
خد موعظه وبلاش تعاديه
واسمع مني حكاية التوام ..
في ضهر بعض مايتفارقوش
وقت الشده مابيجلوش
لو واحد فيهم ساب حقه
صاحبو التاني مابيسبهوش ..
كانو اتنين ولا حد تالتهم
شبيحه مشرفه حتتهم
بس الدنيا معانده معاهم
علي سكة شر وسحلتهم ..
كانو في حالهم وشقيانين
من البيت للشغل وعايشين
ولا كاس ولا برشامه ولا كيف
ولا حتي ليهم في سجارتين ..
واحد فيهم رايح شغلو
كان ع الصبح طالع يسترزق
ولاد حرام ماسكينلو مطاوي
بيدافع عن نفسو إتمزق ..
عيال تسول مسجلين
بيفتشو في البني ادمين
لما وقف وعافر وياهم
راحو غزينو وقوام جاريين ..
التليفون قدامو ع الارض
مش قادر يمسكو بايديه
اول ما لمح كلمة اخويا
بطلوع الروح رد عليه ..
اول كلمه ياناس قالهالو
سامحني لو كنت انا زعلتك
خد الوصيه دي قبل ما اموت
حقي ودمي ياخويا في رقبتك ..
مش قادر يسمع ويجمع
يجري وعينه بقت بتدمع
عمال يصرخ وبصوت عالي
صاحبي ياناس بيموت ويودع ..
دخل عليه راح واخدو في حضنو
قلو هنطلع ع المستشفي
راح بصلو جامد وضاحكلو
طلع السر وفجأه اتوفي ..
اصعب لحظه اصعب احساس
هربت منو وبقا متعكنن
بيلوش ويطيح في الناس
بيفور دمو خلاص وإتجنن ..
في التحقيق سالوه علطول
صاحبك مالو وايه القضيه
قاللو ياباشا دا مش مقتول
دا صاحبي ميت موته طبيعيه ..
خد تصريح علشان يدفنو
وبايدو الاتنين غسلو
غمض عينه وباس علي راسو
بالكفن الابيض كفنو ..
نزل التربه وفك عليه
دفنو ودمعتو جوه عنيه
مرضيش ياخد عزا علي صاحبو
حالف ياخد طارو بايديه ..
يكفيكم شر الغلبان
لما يحس انو بيتهان
لما الدنيا بتيجي عليه
تلاقي الوش التاني بيبان ..
بينو بين نفسو وقال مش احل
بلبع غاب سف اوماتريل
دخل وفرتكهم ب الالي
صفاهم من كتر الغل ..
قام رايح واخد عزا صاحبو
كل الناس عملتلو مقام
بعد العزا راح سلم نفسو
راح واخد حكم الاعدام ..
ساعة الحكم ماجيه يتنفذ
قالولو نفسك يابني في ايه
قال نفذت وصية صاحبي
بعد ما اموت حطوني جانبيه ..

حصريا علي موقع مهرجانات دوت كوم