Subscribe në Ora News këtu http://bit.ly/1s5j7UT

Kryeministri Edi Rama u prit me protesta në Lezhë, nga një grup të rinjsh, ndërsa shkoi për të marrë pjesë në një takim për anëtarësimet e reja në PS. Me pankarta në duar ata kanë shprehur shqetësimin se të rinjtë po largohen nga Shqipëria. Ndërsa në takimin me të sapoanëtarësuarit anëtarësuan në FRESH, Rama kërkoi përfshirjen e tyre në politikë, duke folur edhe për dallimin që qytetarët duhet të bëjnë mes PS-së dhe PD-së.

Rama: Sa më pak njerëz të merren me politikën, aq më shumë rrezikojnë të vuajnë për shkak të mendimeve të gabuara dhe veprimeve të dëmshme që politika mund të bëjë kur mbetet në dorën e shumë pak njerëzve. Sa më shumë njerëz të merren me politikën, aq më e mirë dhe aq më e përgjegjshme bëhet politika.

Deputeti i zonës, Pjerin Ndreu, ndërsa i dha fjalën Kryeministrit recitoi disa vargje të Migjenit, gjë që emocionoi Kryeministrin.

Ndreu: Kryeministri nuk e di se unë në shtëpinë time kam një dhomë bibliotekë me romane, poezi e shumë libra të tjerë. Do ia them dhe Mirelës, por po ia them dhe kryeministrit.

Për më shumë lexoni në: http://www.oranews.tv/article/lezhe-nje-grup-te-rinjsh-presin-ramen-me-protest