SHKODËR-Një shkëndijë elektrike në një mjet tip Benz ka shkaktuar flakë brenda garazhit të familjes Tahiri në fshatin Barbullush.

Si pasojë e zjarrit në këtë garazh kanë shpërthyer edhe dy bombola gazi të cilat kanë rritur intensitetin e zjarrit.

Kanë qenë familjarët që kanë parë flakët ndërkohë që menjëherë në vendin e ngjarjes kane shkuar shërbimet zjarrfikëse të Bashkisë Vau Dejës dhe dy zjarrfikëse nga Shkodra duke shuar zjarrin.

Fatmirësisht nga zjarri nuk ka të lënduar, por vetëm dëme të shumta materiale.