CËRRIK - Policia zbardh dinamikën e ngjarjes së djeshme në Cerrik, ku gjatë një sherri në një dyqan (berberhane) mbeti i plagosur me armë zjarri një person si dhe një person tjetër me sende të forta. Në konflikt janë përfshirë Stilian Hyseni, 32-vjeç, lindur dhe banues në qytetin e Cërrikut si dhe Ilborjan Fezullahu, 28 vjeç, lindur e banues në qytetin e Cërrikut, i dënuar më parë. Sipas policisë, Stilian (Bruno) Hyseni në bashkëpunim me Ilborjan Fezullahu në lagjen nr.1 Cërrik në dyqanin (berberhane) të A.B, ka plagosur me armë zjarri (pistoletë) G.K, si dhe kanë dëmtuar fizikisht me sende të forta edhe J.R., banues në Cërrik , për të cilin fillimisht u raportua nga spitali si i plagosur me armë zjarri.

Njoftimi i policisë:

Nga Specialistët për Hetimin e Krimit në Komisariatin e Policisë Cërrik u bë kapja dhe arrestimi në flagrancë i shtetasëve:

Stilian (Bruno) Hyseni , 32 vjeç, lindur dhe banues në qytetin e Cërrikut .

-Ilborjan Fezullahu , 28 vjeç, lindur e banues në qytetin e Cërrikut, i dënuar më parë

Shtetasi Stilian (Bruno) Hyseni në bashkëpunim me Ilborjan Fezullahu në lagjen nr.1 Cërrik në dyqanin (berberhane) të shtetasit A.B, ka plagosur me armë zjarri (pistoletë) shtetasin G.K, si dhe kanë dëmtuar fizikisht me sende të forta edhe shtetasin J.R., banues në Cërrik , për të cilin fillimisht u raportua nga spitali si i plagosur me armë zjarri.