“Heineken Heroes na Curacao North Sea Jazz 2018”

Distribier huntu ku Heineken a duna 50 “Heineken Heroes” karchi VIP pa e evento di Curacao North Sea Jazz Festival 2018 komo sorpresa. 50 persona ku tin años yudando den diferente kousa na Kòrsou boluntariamente a wòrdu buta den “spòtlight” na restaurant O’mundo.

Aparte di e boluntarionan aki tambe un grupo chikitu di Heineken “Superfans” a wòrdu sorpresá. Mei mei di un anochi plasentero mientras e invitadonan tabata disfrutá di un Heineken nan a haña sa ku kada un lo haña 2 karchi di regalo pa nan por ta presente den e VIP stage di Heineken; “Heineken Heroes stage” na e evento di Curaçao North Sea Jazz 2018.

Pa promé biaha den e evento di Curaçao North Sea Jazz lo ta bai tin un “Heineken Heroes stage” pega ku e stage prinsipal, kaminda e Heroesnan di Kòrsou lo haña kuminda i bibida gratis henter anochi mientras nan ta disfruta di e miho bista di e konsierto aki.