Neil Nitin Mukesh all praises to Prabhas. He remembers memorable incident with Prabhas
యంగ్ రెబల్ స్టార్ ప్రభాస్ ఇప్పుడు జాతీయ స్థాయిలో ఖ్యాతి పొందిన నటుడు. బాహుబలి చిత్రంతో ప్రభాస్ క్రేజ్ దశదిశలా వ్యాపించింది. ప్రభాస్ గురించి తెలుసుకోవడానికి జాతీయ మీడియా సైతం ఆసక్తి చూపుతోంది. ప్రస్తుతం ప్రభాస్ సాహో చిత్రంలో నటిస్తున్నాడు. భారీ బడ్జెట్ తో రూపొందుతున్న ఈ చిత్రం కళ్ళు చెదిరే యాక్షన్ అంశాలతో రూపొందుతోంది. ఈ చిత్రంలో బాలీవుడ్ నటుడు నీల్ నితిన్ ముఖేష్ కీలక పాత్రలో నటిస్తున్నాడు. సాహో చిత్ర సెట్స్ లో ప్రభాస్ తో జరిగిన అద్భుతమైన సంఘటనని నీల్ నితిన్ ముఖేష్ ఇటీవల ఓ ఇంటర్వ్యూలో వివరించాడు.
భారీ యాక్షన్ చిత్రంగా తెరకెక్కుతున్న సాహోలో చాలా మంది బాలీవుడ్ నటులు నటిస్తున్నారు. నీల్ నితిన్ ముఖేష్ కూడా కీలకమైన పాత్రలో నటిస్తున్నాడు. సాహూ చిత్రం ప్రారంభమైనప్పటి నుంచి ప్రభాస్ పై నీల్ నితిన్ ప్రశంసలు కురిపిస్తున్న సంగతి తెలిసిందే. తాజగా ఓ ఇంటర్వ్యూ లో ప్రభాస్ గురించి మాట్లాడుతూ ప్రశంసలతో ముంచెత్తాడు.