Subscribe në Ora News këtu http://bit.ly/1s5j7UT

Ndërron jetë ish ministri i Mbrojtjes Luan Hajdaraga.

Lajmi konfirmohet nga famlijarët e të ndjerit.

Ish-deputet e nënkryetar i Partisë Socialiste ndërroi jetë në moshën 69 vjeçare.

Në maj të 2018 Qeveria miratoi një vendim për akordimin e fondit prej 1.9 milionë lekë për mbulimin e shpenzimeve mjekësore për zotin Hajdaraga. Fondi mbulonte transportin jashtë vendit për ish-ministrin pasi kishte pësuar ishemi në tru. Hajdaraga ishte dërguar për mjekim në Turqi por më pas u kthye. Me gjithë trajtimet disa-mujore, ai ka ndërruar jetë këtë të hënë (30 korrik) në urgjencën e QSUT-së.

Luan Hajdaraga ka qenë një figurë mjaft e njohur e politikës shqiptare nga shembja e komunizmit deri më sot. Ai ka mbajtur një seri postesh të larta qeveritare dhe partiake në PS, si dhe ka qenë edhe deputet i kësaj force politike. Nga viti 1998 deri në vitin 2000 ai ka qenë dhe Ministër i Mbrojtjes. Hajdaraga për shumë vite ka qenë edhe nënkryetar i Partisë Socialiste.

Për më shumë lexoni në: http://oranews.tv/article/nderron-jete-luan-hajdaraga