اضغوا على هذا الرابط تجدون الوصفة مكتوبة بالشرح مع صورة

ولنجاح الوصفة تبعوا طريقة و الشرح من بداية للنهاية

الطريقة و المقادير:
3 كؤوس سميد ناعم
كأس طحين أبيض
ملح
ملعقة صغيرة خمارة حلوى
ملعقة صغيرة عسل أو سكر
ماء دافي للجمع
المرحلة 1 :
نجمع جميع المكونات نتحصل على عجينة طرية نغطيها بكيس بلاستيكي
ونخليها ربع ساعة ترتاح
المرحلة 2 :
نحكم العجينة ندلكها جيدا حوالي 10 د المهم حتى ترجع رطبة و طرية
نضيف شوية ماء وندبز جيدا ونلمها ونغطيها بكيس نتركها ترتاح على الأقل ساعة
المرحلة3 :
بعد مترتاح العجينة نلقاها مدلوكة ندي ونجيب ونشمخ يدي بالزيت و نشكل كريات
صغيرة للمسمن و للمحاجب متوسطة ندهنهم بالزيت ونغطيهم بكيس بلاستيكي
و نخليهم يرتاحوا نصف ساعة
نحكم 2 كرات نفتحهم بالزيت ونحط وحدة فوق وحدة و نفتح على شكل دائرة
نرشها بمارغرين دايبة وضفتلها قليل من خمارة الحلوى
ونطويها على شكل مربع نحطها بجهة و نكمل جميع الكرات بنفس الطريقة
ثم نرجع للمربع الأول نبسط المربع ونطيبوا في طاجين مسخن جيدا ومرشوش
بالزيت ونبقى نقلب فيها حتى تدي لون وردي