Subscribe në Ora News këtu http://bit.ly/1s5j7UT
Gjykata e Krimeve të Rënda po zhvillon seancën gjyqësore ndaj katër të arrestuarve për 3.4 mln eurot e sekuestruar në automjetet 'Toyota Yaris' në portin e Durrësit më 23 qershor 2018.

Seanca për rikonfirmimin e masës së sigurisë po mbahet me dyer të mbyllura.

Avokatët kërkuan praninë e medias në seancë, por Gjykatësja pranoi kërkesën e prokurorisë për të mos qenë prezente.

Në sallën e gjyqit janë të pranishëm katër të akuzuarit Edi Lika, administrator i kompanisë që solli makinat nga Belgjika për llogari të shtetasit Alfred Vladi, djali i tij Klevis Lika, shoferi i trailerit tip Bizark Agim Çeka dhe Alban Mollaymeri, pronar servisi.

Prokurorë të çështjes janë Ened Nakuci dhe Doloresa Musabelliu, ndërsa të pandehurit përfaqësohen nga avokatët Sajmir Visha, Isam Shameti dhe Radovan Çela.
Për më shumë lexoni në:
http://oranews.tv/article/toyotat-me-34-milione-euro-kater-te-arrestuarit-serish-para-gjykates