http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Pas rreth12 orësh debati mazhoranca miratoi me votat e saj projektligjin që i hap rrugë ndërtimit të Teatrit të ri Kombëtar.



75 deputetë të mazhorances votuan në një situatë të tensionuar.



Opozita ishte ngritur e gjitha në këmbë në shenje proteste. Situata u ndez më tepër në momentin kur ligjvënësit e pakicës goditën me kartona kryeministrin. Urdhrin e dha vetë Lulëzim Basha.



E pas këtij momenti deputetët e PD-së dhe LSI-së braktisën sallën.



Por nuk ishin të vetëm që nuk votuan ligjin në tërësi. Edhe ministri për Diasporën Paneli Majko, nuk ishte në sallë në momentin e votimit të draftit të qeverisë.



Më herët gjatë seancës maratonë, lideri i opozitës Lulzim Basha e cilësoi çështjen e prishjes se Teatrit Kombëtar, si tregues të keqqeverisjes së kryeministrit Edi Rama.



Për të rrëzuar argumentet e opozitës, me gjuhën e shifrave foli ministri Ahmetaj, sipas të cilit, toka truall e teatrit nuk preket.



Tashmë çështja e Teatrit të ri Kombëtar është në duart e Presidentit të Republikës Ilir Meta, nëse do ta dekretojë apo do ta kthejë për rishqyrtim.