Subscribe në Ora News këtu http://bit.ly/1s5j7UT

Marrëveshja mes qeverisë shqiptare dhe asaj të Malit të Zi për hapjen e pikës së përbashkët kufirare Zogaj-Skje ka zgjuar shpresën tek banorët e zonës kufitare që ndodhet vetëm 13 km nga Shkodra. Ata thonë se kjo do të sjellë zhvillim e vëmendje për zhvillimin e zonës dhe turizmit.

Marrëveshja Shqipëri-Mal i Zi për të hapur në Zogaj pikën më të re të përbashkët të kalimit kufitar mes dy vendeve ka zgjuar shpresë në zonën kufitare.

Banorët thonë se kjo marrëveshje për ta do të thotë më shumë turistë dhe vëmendje, çka do të përkthehej në zhvillim dhe përmirësim të kushteve të jetesës.

Megjithatë brenda entuziazmit ka edhe skepticizëm. Një rrugë e premtuar vite më parë por që nuk është bërë as sot, është shembulli që ata japin për të qenë mosbesues.

Zogajt ndodhen vetëm 13 kilometër larg Shkodres, në pjesën perëndimore dhe është fshati i fundit që kufizohet me Malin e Zi, në brigjet e liqenit të Shkodrës.

Për më shumë lexoni në: http://www.oranews.tv/article/pike-kufitare-ne-zogaj-marreveshja-shqiperi-mal-i-zi-zgjon-shprese-tek-banoret