Kryetari i bashkisë Erion Veliaj, ka komentuar në Twitter një intervistë të aktorit Robert Ndrenika në median e shkruar. Veliaj shkruan se Ndrenika është pro ndërtimit të Teatrit të Ri.

Lajm i shkelqyer qe i madhi Robert Ndrenika eshte PRO Teatrit te Ri! Asnje milimeter nuk merret e garancia per kete eshte nje negociate ku aktoret dhe arkitektet behen pjese me po kete fryme bashkepunimi qe shfaq kaq bujarisht miku yne Ndrenika per Teatrin e Tiranen qe duam.

Erion Veliaj, kryetar i Bashkisë Tiranë
Më herët aktori Robert Ndrenika u shpreh se nuk ka qenë asnjëherë kundër ndërtimit të një teatri të ri, por thelbi i shqetësimit sipas tij është përvetësimi i truallit ku ndodhet teatri.

Miku im, ka një keqkuptim të madh në gjithë këtë histori. E vërteta është se Robert Ndrenika nuk ka qenë asnjëherë kundër ndërtimit të një teatri të ri dhe dinjitoz. Ajo që unë kundërshtoj është tjetër gjë: është përvetësimi i asaj toke nga kushdoqoftë. Ajo hapësirë, le ta quajmë fushë, (sepse fushë do të bëhet kur të ndërtohet godina e re) u përket artistëve dhe nuk duhet ta prekë askush? Le ta marrin vesh të gjithë thelbin e shqetësimit tim në këtë protestë?