د امریکې ولسمشر ډانلډ ټرمپ تېره ماښام د روژه ماتي په لومړنۍ مېلمستیا کې خپلو مېلمنو او د نړۍ مسلمانانو ته د روژې د میاشتې مبارکي وویله او سپینې ماڼۍ ته د ورغلیو مسلمانو سفارتکارانو او نورو نړیوالو مېلمنو هرکلی یې وکړ. ولسمشر ټرمپ وویل: "ننني روژه ماتي ته په راتګ د مسلمانو هېوادونو ټولو سفارتکارانو ته تود هرکلی وایم، تاسې په خپل راتګ موږ ته ویاړ را وباخښه، ستاسې له راتګه مننه کوم".