Мигрант Элёр қандай қилиб Москва полиция ходимини ўзидан кечирим сўратди? https://www.bbc.com/uzbek/44315408
Migrant Elyor qanday qilib Moskva politsiyasini oʻzidan kechirim soʻratdi?
Москвадаги интернет-дўконларнинг бирида юк тахловчиси Элёр Абдурахмонов билан полициячилар орасида ноодатий воқеа рўй берди. Барча хужжатлари жойида бўлган Элёр Чертанова туман ИИБда 12 соат ушлаб ўтирилган. Эртаси куни эса полиция ходими Павел Соколов мигрантга 10 та ҳар хил фамилияларга ёзилган квитанцияларни бериб, ҳар бирига 500 рублдан тўлашини, акс ҳолда депортация қилинишини айтган.
Элёр Абдурахмонов "Сбербанк" ёнига бориб ёнида мигрантлар учун бепул юрист Валентина Чупикка қўнғироқ қилиб маслаҳат сўрайди. Юрист унга бир рубл ҳам тўламасликни ва полиция билан ўзини қандай тутишни ўргатади.
Муҳожир полиция маҳкамасига қайтиб бориб, пул тўламаслигини, исташса судга юборишлари мумкинлигини айтган. ИИБ ходимлари Элёрни хужжатларини қўлига бериб, қўйиб юборишган.
Юрист Валентина Чупик полиция ходимининг ноқонуний ҳатти ҳаракатлари юзасидан Чертанова туман ИИБ раҳбариятига мурожаат қилди. ИИБ ходими Моисеев кечирим сўради.
------------------------------------------------------------------------
Migrant Elyor qanday qilib Moskva politsiyasini oʻzidan kechirim soʻratdi?
https://www.bbc.com/uzbek/44315408
Moskvadagi internet-doʻkonlarning birida yuk taxlovchisi Elyor Abduraxmonov bilan politsiyachilar orasida noodatiy voqea roʻy berdi.
Barcha xujjatlari joyida boʻlgan Elyor Chertanova tuman IIBda 12 soat ushlab oʻtirilgan. Ertasi kuni esa politsiya xodimi Pavel Sokolov migrantga 10 ta har xil familiyalarga yozilgan kvitantsiyalarni berib, har biriga 500 rubldan toʻlashini, aks holda deportatsiya qilinishini aytgan.
Elyor Abduraxmonov "Sberbank" yoniga borib yonida migrantlar uchun bepul yurist Valentina Chupikka qoʻngʻiroq qilib maslahat soʻraydi. Yurist unga bir rubl ham toʻlamaslikni va politsiya bilan oʻzini qanday tutishni oʻrgatadi.
Muhojir politsiya mahkamasiga qaytib borib, pul toʻlamasligini, istashsa sudga yuborishlari mumkinligini aytgan. IIB xodimlari Elyorni xujjatlarini qoʻliga berib, qoʻyib yuborishgan.
Yurist Valentina Chupik politsiya xodimining noqonuniy hatti harakatlari yuzasidan Chertanova tuman IIB rahbariyatiga murojaat qildi. IIB xodimi Moiseyev kechirim soʻradi.