Subscribe në Ora News këtu http://bit.ly/1s5j7UT
Gjykata e Korçës dënoi me 4 vjet e 8 muaj burg, Ligor Bibën, 55 vjeçarin që përdhunoi dhe la shtatëzanë fqinjen e tij atëherë 15 vjeçe.

Ngjarja u denoncua publikisht në tetor të vitit 2017 dhe Biba përfundoi në pranga.

Prokuroria e Korçës kishte kërkuar 8 vjet burg për Bibën, i cili fillimisht mohoi akuzat, por analizat e ADN-së provuan atësinë e foshnjes së ardhur në jetë, ndaj ai ndërroi dëshminë në gjykatë duke pranuar fajësinë, por sërish ngulmoi se nuk bëhej fjalë për përdhunim.

Pas shqyrtimit të çështjes gjykata e Korçës e dënoi 55 vjeçarin Biba me 7 vjet burg, por ai përfitoi ulje 1/3 e dënimit për shkak të gjykimit të shkurtuar. Dhe përfundimisht do të vuajë 4 vjet e tetë muaj burg.

15 vjeçarja e abuzuar e ka lënë fëmijën e ardhur në jetë në shtëpinë e foshnjes në Tiranë, ndërsa gjatë muajve të procesit gjyqësor ndaj 55 vjeçarit familja e saj në fshatin e Pogradecit ka denoncuar shpesh herë në media, presione të pretenduara nga ana e familjes së Ligor Bibës.
Për më shumë lexoni në:
http://oranews.tv/article/vajza-deshi-vete-ligor-biba-u-kerkon-falje-dy-familjeve-por-nuk-pranon-perdhunimin