Çështja e ish ministrit të Brendshëm Saimir Tahiri i cili është akuzuar si i përfshirë në trafikun ndërkombëtar të drogës është në qendër të vëmendjes. Vetëm një ditë më parë Tahiri dorëzoi mandatin e deputetit për të qenë një qytetarë i thjeshtë përballë drejtësisë derisa të zbardhet e vërteta.
Por sot në emisionin ?Zonë e Lirë? ministri për Evropën dhe Punët e Jashtme, Ditmir Bushati nuk i shpëtoi pyetjeve të moderatorit lidhur me ?çështjen Tahiri?.
Bushati tha se nga ana njerëzore i vjen keq për ish-kolegun e tij dhe uroi që drejtësia ta thotë sa më parë fjalën e saj.
Çani: Ti, Saimiri dhe Damian Gjiknuri ishit treshja që spikasnit më shumë kur ishit në opozitë. Jo politikisht, të vjen keq për atë që i ndodhi Tahirit, thjesht nga ana njerëzore?
Bushati: Nuk ka pikë diskutimi, në marrëdhëniet tona njerëzore kjo është një situatë e vështirë dhe uroj që drejtësia ta thotë sa më shpejt fjalën dhe uroj që Saimiri të ketë sa më shumë fat në këtë drejtim. Nuk më takon mua të shprehem për këtë ngjarje. Uroj që të dalë faqebardhë nga kjo histori. Por pavarësisht se jemi në ?Zonë të Lirë? dua të them se është hera e parë që një politikan në Shqipëri ka ndërmarrë këtë hap duke lënë mandatin dhe duke lënë veten në dispozicion tëdrejtësinë. Nuk e ka bërë asnjë deri më sot.
Çani: Mendon se mund të arrestohet?
Bushati: Nuk do ta uroja për asnjë nëse nuk ka prova të qenësishme. Ne kemi vendosur një standard të ri në epokën që kemi hyrë, një zyrtarë i lartë siç ishte Saimiri dje vë veten të lirë në dispozicion të drejtësisë.
Çani: Nuk ka dorë Rama në këtë vendim të Tahirit?
Bushati: Nuk ka asnjë lloj presioni nga askush.
Çani: A po bie Tahiri dëshmor për Europën?
Bushati: Absolutisht jo, në rastin në fjalë Tahiri ka ndërmarrë një veprim që heq çdo paragjykim që drejtësia të thotë fjalën e vet.