Subscribe në Ora News këtu http://bit.ly/1s5j7UT
Patatja e Kukësit është ndoshta me famshmja ne tregjet shqiptare. Por fermerët në verilindje të vendit, thonë se prodhimi u ka mbetur stok për pasojë të mungesës së tregut. Shqetësimi mbetet pa zgjidhje prej vitesh tashmë, ndaj siç konfirmojnë në zyrat e bujqësisë, fermerët po ulin kultivimin vit pas viti.

Patatja u ka mbetur në derë fermerëve të Kukësit duke u çuar mundin dëm.

Fermer: ?Pataja është stivë, pa shitur, kanë ngelur nëpër gropa, nuk kemi ku ti dërgojmë sepse nuk ka treg.?

Prodhuesit thonë një pjesë të prodhimit nuk e kanë nxjerrë fare nga kavaletat ku i mbajnë, ndërsa tregtarët ankohen për shitjet e pakta edhe pse çmimet thonë se janë më të lirat e mundshme.

Tregtar: ?Edhe konkurrenca e madhe, edhe patatja e Kosovës, e Lushnjes edhe neve rrijmë, çfarë të bëjmë. Kur nuk vendos dorë shteti kështu ndodh. E lejon mallin e huaj të hyjë dhe i yni rri stok.?

Patatja e Kukësit është ndër më të famshmet dhe të preferuarat në tregjet shqiptare, por për një sërë arsyesh prodhimi nuk e gjen tregun më si më parë.

Ndaj vit pas viti fermerët kuksianë po zvogëlojnë sipërfaqet e kultivuara, siç konfirmojnë në drejtorinë rajonale të Bujqësisë

Qemal Memishi: ?Shkon nga 30 deri në 50 hektarë më pak. Kur kemi treg shitje kemi rritje të sipërfaqes së mbjellur.?

Rreth 13 mijë ton patate përllogaritet se prodhohet çdo vit në kukës. Ndërtimi i një fabrike grumbullimi u pa si zgjidhje për fermerët, por ajo nuk u vu asnjëherë në punë.
Për më shumë lexoni në:
http://oranews.tv/article/patatja-mbetet-stok-ne-kukes-ska-treg-shitje