Subscribe në Ora News këtu http://bit.ly/1s5j7UT

Medalje mirënjohje dhe cilësim si heronj. Ka qenë ky vlerësimi që kreu i qeverisë shqiptare ka bërë për 5 efektivët e policisë të cilët 3 ditë më parë u përballën me breshërinë e armëve nga të paktën 4 grabitës në qytetin e Fierit.

Vlerësim dhe paralajmërim për këdo që do të ngreje dorën ndaj efektivëve të policisë ishte paralajmërimi i kryeministrit shqiptar.

Rama: Heronj që nuk i njohim sepse nuk shfaqen nëpër ekrane apo gazeta që çdo ditë dhe çdo natë zhvillojnë një betejë të pabarabartë me krimin. Do të kishte qënë shumë më mirë nëse grabitësit do të ishin dorëzuar pa qenë nevoja që njëri prej tyre të humbte jetën por nëse keqbërësit nuk pranojnë të ulin armën dhe me armë kërcënojnë jetën e qytetarëve dhe punonjësve të policisë kjo ishte dhe mbetet e vetmja përgjigje që ata do të marrin dhe do të meritojnë në çdo rast.

Rama theksoi se Policia e Shtetit ka pasur rezultate të dukshme kohët e fundit në luftën kundër krimit të organizuar dhe veçanërisht trafikut të drogës. Ai paralajmëroi një vit të zi për krimin e organizuar.

Edhe Ministri i Brendshem Xhafaj, në mbështetje të fjalës së kreut të qeverisë the se kjo ngjarje le të shërbejë si mësim për këdo që ngre armët kundër policisë së shtetit.

Për më shumë lexoni në: http://oranews.tv/article/rama-medalje-5-efektiveve-qe-parandaluan-grabitjen-ne-fier-heronj