Subscribe në Ora News këtu http://bit.ly/1s5j7UT

Shefi i Sektorit të Garave pranë Federatës Shqiptare të Futbollit, Lysien Nurishmi, i ftuar në "Ora Sport" i është përgjigjur një sër pyetjesh ku nuk mund të mungonte dhe dy nga çështjet më të nxehta të momentit, akuzat e Partizanit për xhaketat e verdha dhe dënimi i mundshëm i Skënderbeut.

Lysien Nurishmi: "Një nga prioritetet e Federatës Shqiptare të Futbollit në katër vitet e ardhshme është zhvillimi dhe promovimi i futbollit të moshave dhe të rinjve. Tashmë ka filluar të zbatohet dhe projekti "Groë", me një bashkëpunim mes FSHF, UEFA dhe Ministrisë së Arsimit. Pra në çdo shkollë të Shqipërisë do të ketë një orë mësimi që do të quhet ora e futbollit. Aty të gjithë fëmijët, si djem dhe si vajza të nivelit fillestar do të inkuadrohen në orën e futbollit, Për sa i përket futbollit pak më të rritur, U17, U19 ky është edicioni i tretë i Kupës së Shqipërisë për moshat, pra sektori i garave përveçse organizon kampionatin për këto mosha zhvillon dhe një kompeticion jo më pak i rëndësishëm se ai i kampionatit.

"Në këtë edicion nuk ekziston më skuadra e fushës dhe fitoret si brënda si jashtë janë të balancuara. Një futboll "fair" . Normalisht ka problematika, pasi kemi pas rastet e dhunës dhe që janë dënuar maksimalisht nga komisionet juridike të Federatës.

"Në rast se do të kemi garë, kemi lojë, do kemi polemika, do kemi gabime dhe do të kemi dhe disa fjalë që nuk janë të duhurat, deklarata pas ndeshje ku një trajner, zyrtarë është i nervozuar, mund të shpreh diçka që më pas dhe ai vetë nuk do ta pranoj. Mbase është një shfryrje e momentit duke ndikuar dhe tek lojtarët. Megjithatë ndeshjet luhet javë pas jave dhe lojtarët duhet të jenë të përqendruar tek ndeshja e rradhës , pasi ndeshja luhet në 90 minuta dhe nuk luhet nëpër media dhe gazeta.

Për më shumë lexoni në: http://oranews.tv/article/lysien-nurishmi-gabimet-ne-futboll-jane-te-pranishme-nuk-kemi-asgje-ceshtjen-skenderbeu