Arrestohet autori i grabitjes së argjendarisë në Shkodër. Autori i dyshuar, Francesk Vukaj është vënë në pranga rreth orës 15:30 të ditës së sotme. Grabitja ka ndodhur para 4 ditësh në lagjen "Vasil Shanto" rreth orës 03:00 të mëngjesit dhe i arrestuari është futur me makinë brenda argjendarisë.
Burime pranë grupit hetimor të policisë së Shkodrës bëjnë me dije se pas sekuestrimit të kamerave të sigurisë së argjendarisë së grabitur, specialistet e hetimit kanë identifikuar autorin e grabitjes duke e prangosur.