Subscribe në Ora News këtu http://bit.ly/1s5j7UT

Pas datës 1 shkurt, përfaqësuesit e njësive vendore duhet të nisin kontrollet në çdo shtëpi për të verifikuar nëse familjarët janë të pajisur me kontratë dhe matësa uji. Ministri i Infrastrukturës dhe Energjisë Damian Gjiknuri u bëri një apel kryebashkiakëve në gjithë vendin që të miratohen nga ndërmarrjet e ujësjellësave skema lehtësuese për shlyerjen e borxheve të mbartura të familjarëve.

Gjiknuri: ?Dua tu bëj thirrje edhe bashkive që të miratojnë skema lehtësuese për borxhlinjtë e vjetër apo njerëzit që kanë akumuluar borxhe për shkak të mungesës së interesit apo fatkeqësisht edhe punës jo të mirë të ujësjellësave dhe bashkive përkatëse. Çfarë do të thotë? Skema lehtësuese njësoj siç bëmë me Operatorin e Shpërndarjes së Energjisë Elektrike, për ti shtrirë borxhet e vjetra në vite, për ti dhënë mundësinë qytetarëve të mos rëndohen përnjëherë me pagesën e faturave që ujit që janë të akumuluara me vite. Është shumë e rëndësishme, kjo është në dobi të qytetarëve, pagesa e ujit është siguri për furnizimin me ujë. Nuk ka rrugë tjetër! Po nuk e paguam ujin ashtu siç e paguajmë edhe energjinë elektrike qeveria shqiptare do ta ketë të pamundur të kryejë gjithë ato investime të nevojshme për të gjithë ato zona të Shqipërisë të cilat fatkeqësisht akoma nuk kanë një rrjet modern të ujësjellës/kanalizimeve?.

Deklaratat Gjiknuri i bëri nga Përmeti ku së bashku me Ministren Kumbaro në cilësinë e deputetes së zonës, inspektuan kantierin e punimeve për rehabilitimin e ujësjellësit të qytetit.

Investimi i qeverisë kap vlerën e rreth 5 milion USD. Sipas kontratës, brenda 30 muajsh investimi do të mundësojë furnizimin me ujë 24 orë duke i dhënë zgjidhje kështu një problematike mbi 25 vjeçare.

Gjiknuri: ?Jemi këtu në një nga investimet shumë të rëndësishme të qeverisë shqiptare për Bashkinë e Përmetit që është rrjeti i ri i ujësjellësit, përfshirë dhe këtë depozitë që po punohet këtu. Është një investim që kap një vlerë rreth 5 milion USD, zgjidh përfundimisht çështjen e ujit në Bashkinë e Përmetit duke siguruar ujë 24 orë. I ftoj qytetarët që deri në fund të Janarit, vullnetarisht të bëjnë lidhjen në mënyrë legale me rrjetin e ujësjellësit kudo që ata janë sepse qeveria në Shkurt do të fillojë masat për kontrollet sëbashku me autoritetet vendore. U bëj thirrje të gjitha bashkive që të bëhen pjesë e kësaj reforme të rëndësishme. Qeveria shqiptare do ta marrë këtë rrisk për të investuar siç po investon edhe në Përmet por që këto investime të bëhen të qëndrueshme duhet që të gjithë qytetarët shqiptarë ta paguajnë ujin".

Ministrja e Kulturës Mirela Kumbaro, në cilësinë e deputetes së zonës vuri theksin tek mbajtja e premtimit që i është bërë qytetarëve të Përmetit.

Për më shumë lexoni në:

http://oranews.tv/article/borxhet-e-vjetra-te-ujit-gjiknuri-bashkite-te-miratojne-skema-lehtesuese