Ajo që kanë lënë pas përmbytjet në autostradën Durrës-Tiranë është njësoj si një situatë lufte. Makinat e bllokuara për shkak të nivelit të ujit nga përmbytjet mbrëmjen e kaluar, janë shkatërruar plotësisht.

Report Tv pa nga afër kaosin e krijuar në autostradë vetëm pak orë më parë.

Niveli i ujit arritur deri në 1.5 m. Automjetet janë me xhama të ulur çka tregon se dyert e tyre janë bllokuar nga niveli i ujit dhe pasagjerët kanë dalë nga dritaret. Mes automjeteve të dala jashtë përdorimit ka edhe makina luksoze.

FA ndërhynë me gomone natën e kaluar për të evakuuar qytetarët e bllokuar. Ndërkohë edhe autostrada është e dëmtuar në një gjatësi prej 350 m.