Koreografia e parë Eno Peçit në atdheun e tij, është pritur me interes nga publiku shqiptar. Balerini i parë i Operës së Vjenës ka ngjitur në skenë premierën ?Exil-Deja vu? me balerinët e Teatrit të Operës dhe Baletit në Tiranë.

Publiku ka ndjekur mes duartrokitjeve skenat fantastike që krijonin balerinët me gjuhën e trupit. Nga skena në skenë vallëzimi është bërë gjithmonë e më tërheqës.

Baleti i Eno Peçit ka rrëfyer përmes çdo detaji për plagët sociale të braktisjes së atdheut dhe për problemet e mëdha të jetës më mërgim. Balerinët kanë përcjellë me virtuozitet konceptin koreografik të Peçit.

Për koreografin, tema e mërgimit është e lidhur edhe me emocionin personal. Vetë Eno Peçi është larguar në moshë të re nga atdheu dhe përmes sfidave arriti të bëhej një yll baleti në Austri.