Partia Demokratike vijon akuzat ndaj ish-ministrit Saimir Tahiri, i cili dyshohet të jetë përfshirë në trafikun ndërkombëtar të drogës. Në një dalje për media, deputeti Enkelejd Alibeaj hodhi poshtë pretendimin se Saimir Tahiri udhëtoi pak ditë më pare drejt Gjermanisë për të parë babanë e tij.

Ai tha se ky i fundit ka hyrë e dalë nga Shqipëria para se të ikte Saimir Tahiri në Gjermani. Sipas tij, 863 mijë eurot e gjetura në makinën e biznesmenit Orest Sota janë të ish-ministrit, dhe se biznesmeni e kishte të pamundur të bënte biznes me Kurum.