Edicioni i 15-të i Festivalit Ndërkombëtar të Filmit që do të mbahet në Tiranë çelet këtë të premte në kinema Millennium me premierën e filmit ?Elvis Walks Home? të Fatmir Koçit.
Festivali do të vijojë me shfaqjen e filmave deri më 11 nëntor në sallat e kinemave Imperial, kinema Agimi, Teatri i Kukullave dhe TULLA Culture Center. Motoja e edicionit të këtij viti është Filmo jetën tënde ? Krijo të ardhmen.

Për këtë edicion kanë aplikuar 1,511 kineastë nga 113 vende të botës dhe prej tyre janë përzgjedhur 254 filma. Gjatë ditëve të festivalit do të jetë i pranishëm edhe regjisori i mirënjohur kanadez, Denis Côté me një dokumentar të vlerësuar në Locarno Film Festival, ?A Skin So Soft?.