Mazhoranca do të hartojë një ligj të ri për funksionimin e dhomave të tregtisë. Nisma vjen pas rrëzimit të ligjit të parë, i cili detyronte të gjithë bizneset pa përjashtim të anëtarësoheshin në dhomë dhe të paguanin tarifë për anëtarësimin. Bizneset janë ftuar në komisionin parlamentar për të dhënë mendimet e tyre, ku për herë të parë janë përplasur grupi kundër anëtarësimit me detyrim, dhe grupi që kërkon sërish rikthimin e ligjit sipas modelit që ishte.

Mazhoranca dhe opozita kanë rënë dakord që ligjin e ri ta bëjnë me konsensus të plotë mes grupeve të biznesit. PD dhe PS votuan një vit më parë pro ligjit që i anëtarësonte bizneset me detyrim në Dhomën e Tregtisë. Shumë shoqata e kundërshtuan ligjin me argumentin se cënon konkurrencën dhe lirinë e tyre, ndërsa presidenti Nishani e ktheu për rishqyrtim në kuvend.

Tv Klan