Natural star Nani is set to replace Junior NTR as a host on Star Maa's hit reality TV show Bigg Boss Telugu 2. The actor has reportedly received a fat pay-check for hosting the second season.

నేచురల్ స్టార్ నాని బిగ్ బాస్ తెలుగు 2వ సీజన్‌ను హోస్ట్ చేయబోతున్నారు. ఈ మేరకు ఆయన షో నిర్వాహకుల నుండి ఇప్పటికే భారీ పారితోషికంతో కూడిన అడ్వాన్స్ చెక్ అందుకున్నట్లు ప్రచారం జరుగుతోంది. త్వరలోనే నాని తెలుగు బిగ్ బాస్ 2 ప్రోమో విడుదల చేయబోతున్నారని టాక్.
ప్రస్తుతం ఎన్టీఆర్... త్రివిక్రమ్ శ్రీనివాస్ సినిమాతో పాటు రాజమౌళి దర్శకత్వంలో మరో భారీ ప్రాజెక్టుకు కమిట్ అయ్యారు. ఈ సినిమాలతో బిజీగా ఉండే ఆయన ‘బిగ్ బాస్ 2' రెండో సీజన్ హోస్టింగ్ అవకాశాన్ని వదులుకోకతప్పలేదు.
‘బిగ్ బాస్ 2' హెూస్ట్ చేయడాని బెస్ట్ ఆప్షన్‌గా నాని అనే నిర్ణయానికి వచ్చి నిర్వాహకులు అతడిని సంప్రదించడం, పలు చర్చల అనంతరం నాని కూడా చేయడానికి ఓకే చెప్పడం జరిగిపోయిందట. త్వరలోనే ఈ విషయమై అఫీషియల్ ప్రకటన వెలువడే అవకాశం ఉందని అంటున్నారు.
మొదటి సీజన్లో ఎన్టీఆర్ ఒక్కో సీజన్‌కు రూ. 35 లక్షల రెమ్యూనరేషన్ అందుకున్నట్లు టాక్. హీరో నానికి కూడా ఇందుకు ఏ మాత్రం తగ్గకుండా రెమ్యూనరేషన్ ఇవ్వాలని బిగ్ బాస్ 2 నిర్వాహకులు డిసైడ్ అయినట్లు సమాచారం.
నేచురల్ యాక్టింగ్‌తో పాటు మంచి కామెడీ టైమింగ్, మాటలతో కట్టపడేయగల టాలెంట్ నాని సొంతం. పైగా వరుస హిట్లతో మంచి జోరు మీద ఉన్నాడు. నాని టాలెంట్, అతడి స్టార్ ఇమేజ్ బిగ్ బాస్ 2 కార్యక్రమానికి మరింత వన్నె తెస్తుందని నిర్వాహకులు భావిస్తున్నారు.