அதிமுக அரசு கவிழும் என தொடர்ந்து தினகரன் பேசி வருவதால் அமைச்சர்கள் கொந்தளிப்பில் இருக்கிறார்கள். தினகரன் மற்றும் சசிகலா குடும்பத்தை ஜெயலலிதா பாணியில் வேட்டையாடினால்தான் சரிவரும் எனவும் குமுறி வருகிறார்களாம். தஞ்சையில் சுற்றுப் பயணம் மேற்கொண்டுள்ள தினகரன், கதிராமங்கலத்தில் பேசும்போது, ' இப்போது ஆட்சியில் உள்ள ஆறு பேரைத் தவிர யார் வந்தாலும் எங்கள் அணியில் சேர்த்துக் கொள்வோம். தகுதிநீக்கத்துக்கு ஆளான 18 பேரில் ஒருவரை முதல்வராக்குவோம்' எனப் பேசினார்.தினகரன் குறிப்பிடும் அந்த 6 பேர் யார் என்ற விவாதமும் எழுந்துள்ளது. ஆட்சியின் தலைமைப் பொறுப்பில் உள்ள இருவரைப் பற்றியும் கொங்கு மண்டலம், வேலூர், தென் மாவட்டத்தில் உள்ள சிலரையும்தான் தினகரன் குறிப்பிடுகிறார்.

Sources said that TamilNadu Senior Ministers sent a warning message to RK Nagar MLA Dinakaran who is trying to topple the Govt.