Kathi Mahesh Review About Balakrishna's "Jai Simha". Jai Simha produced by C. Kalyan on C. K. Entertainments banner and directed by K. S. Ravikumar. Starring Nandamuri Balakrishna, Nayanthara, Natasha Doshi, Hariprriya in the lead roles and music composed by Chirantan Bhatt.

టాలీవుడ్లో వివాదాస్పద సినీ విమర్శకుడిగా పేరు గాంచిన మహేష్ కత్తి పలు వివాదాలతో వార్తల్లో నిలిచిన సంగతి తెలిసిందే. తన రివ్యూల మూలంగా చాలా మంది హీరోల అభిమానుల దృష్టిలో విలన్ అయ్యాడు కూడా. పవన్ కళ్యాణ్ అభిమానులతో కొన్ని రోజులుగా మహేష్ కత్తి పెద్ద యుద్ధమే చేస్తున్నాడు. మొన్న విడుదలైన 'అజ్ఞాతవాసి' సినిమాను రివ్యూ చేసిన తనదైన అభిప్రాయాలు వెల్లడించిన మహేష్ కత్తి తాజాగా బాలయ్య 'జై సింహ' చిత్రంపై విమర్శనాత్మకంగా స్పందించారు.
‘జై సింహ' కథ కథనాలు చాలా పాతగా అనిపిస్తాయని, 1980ల్లో, 1990ల్లో వచ్చిన రివేంజ్ డ్రామాలు, ఫ్యామిలీ డ్రామాల కలగాపులగం అయినటువంటి కలెగూర గంపగా ఈ సినిమా ఉందని మహేష్ కత్తి అభిప్రాయ పడ్డారు.
మొదటి నుండి సినిమా ఎటు వెళుతుంది అనే సందేహంలో ప్రేక్షకులు ఉండిపోతారు. కనీసం సెకండాఫ్ కూడా కథ మొదలవుతుంది అనే భావనలో మనం ఉంటే లాస్ట్ పది పదిహేను నిమిషాల్లో అసలు కథేమిటో చెప్పాపరు. అప్పటికి గానీ అదొక ఫ్యామిలీ డ్రామాకు సంబంధించిన కథ, బాలకృష్ణ గారి సెంటిమెంటుకు సంబంధించిన కథ అనే విషయం అప్పటి వరకు అర్థం కాదు అని మహేష్ కత్తి తెలిపారు.
‘కథలో బాలయ్య ఉంటాడే తప్ప ఆయన వల్ల కథ నడవటం అనేది కనిపించదు. కేవలం ఘటనలు, కొన్ని సంఘటనల నేపథ్యంలోతన జీవితం అలా గడిచి పోతూ ఉంటుంది' అని కత్తి తెలిపారు.
బాలకృష్ణ గారి యాక్టింగ్ పాత్రోచితంగా ఉన్నప్పటికీ ఆ పాత్రలో లేని బలం, ఆ పాత్రలో లేని హీరోయిజంతో సినిమా చాలా వరకు చప్పగా అనిపిస్తుంది.... అని కత్తి తెలిపారు.