السلام والتحية على حضراتكوا أهلا بيكو معانا واحنا كنا النهاردة ناوين اننا نبتدي اول اخبارنا معاكوا عن الجديد في تعيين ابن الرئيس مرسي وازاي انه هو مش قانوني، لكننا اتفاجئنا بقراره بعدم استكمال اوراق تعيين اللي بيعني تراجعه عن انه يلتحق بالوظيفة وقال عمر محمد مرسي على صفحت على الفيس بوك: "تقدمت للاختبار للوظيفة وأنا أعلم أنني سوف أهاجم وستنال مني الشائعات والأكاذيب كما نالت من أبى وأسرتي منذ توليه المسئولية". ، وأضاف: للعلم مرتب الوظيفة ليس بالآلاف ولكنه تسعمائة جنيه شهريًا، ومع هذا اخترت ألا أكمل تقدمي بأوراقي لهذه الوظيفة، ويبقى السؤال كيف يمكنني أن أحصل على وظيفة فى بلدي الحبيبة مصر، واللي الصراحة السؤال ده توجه زي ما وجهه المئات من حملة الماجستير والدكتوراة اللي كانوا مستنين يتعينوا لكن انت كنت حتتعين قبلهم وعشان كدة راحوا عند مقر الحرية والعدالة يتظاهروا، برضوة السؤال ده تسألوا بعد ما اللي قبليك في طابور البطالة يتعينوا، ويلاقوا الوظيفة الكريمة ومش عشان ابوهم رئيس جمهورية يبقى يتعينوا قبل كل الناس لان حسب قانون العمل الاعلانات الداخلية بتبقى للي بيشتغلوا في نفس المؤسسة الحكومة وانت يا عمر لسه خريج من 2012 وماشتغلتش قبل كدة في المطار عشان يبقى ليك حق التقديم في وظيفة في اعلان داخلي ولو حابكة معاك قوي استنى الاعلانات بتاعة الحكومة اللي بقالها سنين ما بتنزلشي وقدم فيها او روح لوزير القوى العاملة اللي هوه من الاهل والعشيرة وهو حيجيبلك شغلانة المهم تكون بالطريق الصحة مش عن طريق السيد الوالد، لان السيد الوالد نفسه، إقال الدكتور خالد علم الدين مستشار رئيس الجمهورية لشئون البيئة بعد تقارير وصلتله من جهات رقابية بمحاولات الدكتور علم الدين استغلال منصبة .... طبعا زي ما حضراتكو عارفين ان الدكتور خالد علم الدين أحد قيادات حزب النور السلفي ... تفاصيل أكتر معنا هشام المياني محرر شئون الرئاسة ببوابة الأهرام .