assagi lliγ azekka wissen, cfut di terga ma γliγ d anza-w awen-d-ssiwlen !
staεfu a Lwennas nesla-yasin

Jamais un mort n’a été aussi vivant !!!
Ecoutons Lwennas avec une pieuse pensée pour Nna Aljia, Malika et Nadia ainsi que tous ceux qui sont morts pour la liberté, la démocratie et les droits de l’homme.

Un grand merci à henridekabylie pour les pochettes d'albums, tanemmirt a gma s tussda !

ulayγer nerğa assirem a nsenned f ṣṣber
amesdrar ur iḥekkem xas yeγra yeẓwar
afus n lbaṭel yettwalqqem lγella-s d cceṛ
di laṣel ssamasen udem yeγma yejjunjeṛ
jeggren s ddin t-taεṛabt tamurt n Lezzayer

D uγurru ! D uγurru ! D uγurru !

d ungif ibbubben tabburt akken i wen-teḍra
ma tγilem ad ḍelqen i tsarutt tesεam nniyya
w'iεerḍen tacriḥt n tsekkurt ur iqenneε ara
ddwa-s a ncerreg tamurt an-nebrez tura
amar assen ay atma at-tnaqel Lezzayer

seg uγurru ! seg uγurru ! seg uγurru !

mačči d yiwen i d-iẓeḍmen yessenta tuccar
ay amcum seg-nneγ yeffγen yeğğa-d tisigar
di Lezzayer tagmatt tuḍen tenṭen ur tettnekkar
ssus iṛebba acciwen ad yesni idurar
Yeεṭel a d-yejbu lesser ata tt-ifersen

seg uγurru ! seg uγurru ! seg uγurru !

Xas yeqqed-aγ laẓ d facal f ṣṣber ur nettsennid
skud mazal tarwa n leḥlal ur s-nkennu i lqid
akken yebγa yezzelz uzaylal ur nxellef abrid
I-gemmaren a tiḥemmal ur neffiγ f lğid
s laṣel d ṣṣfa lεeqqel s-nezwi Lezzayer

seg uγurru ! seg uγurru ! seg uγurru !