السلام عليكم أيها المشاهدون الكرام ورحمة الله وبركاته،



أظنّ أن اكثركم ايها المشاهدون الكرام، خاصة أنتم ايها الشعب المفلس المُسعود الحزين.. اظنكم استغربتو من ترويج الدب الداشر عبر وكالات الانباء وغيرها، بأن سبب إقالة محمد بن نايف، ولي العهد ووزير الداخلية، هو أنه كان مدمن، وانه ما يقدر يقوم بمهامه على الوجه الأكمل، وان الدولة أهم من الأفراد، ومثل هالحتسي.

هل يُعقل ان محمد بن نايف، المسؤول الأول عن مكافحة المخدرات، يطلع هو بنفسه مدمن مخدرات؟

أيه نعم..

كان مدمن مخدرات، وهذا صحيح، ومعروف.

لكن هل سبب اقالته ووضعه في الاقامة الجبرية، واهانته، ونشر الخبر بأنه مدمن، بأوامر من الدب الداشر، هو ان ابن نايف مدمن؟

طبعاً لا..

القصة وما فيها، أن الدب الداشر وأبوه ما قالوا للمواطنين سبب اقالة ابن نايف.

ويوم ان القصة اطلَعت في الصحف الغربية ووكالات الانباء، قام الدب يبرر سبب الإقالة.

بعد طرد ابن نايف من منصبه، فيه كم واحدن من جماعة الدب الداشر لمّحوا الى ان ابن نايف مدمن مخدرات، او انه مريض، او اشيا مثل كذا..

بس المواطنين ما اخذوا الأمر بجدية.

وبعض سلاتيح حمودي ابو سروالين، قالوا يومها ان سبب الاقالة عشان تجديد القيادة.

وهذي حجّتن ضعيفة.

اذا الداشر يبي يجدد القيادة، خلّيه يطيّر ابوه من من منصبه.

ابوه جاه الزهيمر ولسّه في منصبه.

وأبوه عمره فوق الثمانين سنة، وأما ابن نايف فعمره ٥٨ سنة بس، يعني تقدروا تقولوا انه شباب، على الأقل بمقاييس العجزة آل سعود.

ما يقدر الدب الداشر يقول ان ولد عمه المخلوع ما عنده كفاءة.

والأصح كان يقدر يقول ان محمد بن نايف ما عنده كفاءة في السياسة والاقتصاد، لكن ولد فهدة ما يقدر يقول عنه ان ما عنده كفاءة في القمع والتعذيب والدم وادارة السجون والسلاتيح.

يوم شاف الداشر وابوه ان العالم ما يصدّق كذبة ان ولد نايف يبي يرتاح ويترك الشغل والمنصب.. وبعد ما طلعت قصة احتجازه في الاقامة الجبرية.. رجع ابو سروالين حمودي وسرّب خبر لوكالة رويترز بأن المخلوع كان مدمن، وان عمّه الملك عبدالله قبل ما يموت نصحه بان يوقف عن المخدرات.

طبعاً الحين مين يقدر يسأل الملك عبدالله في قبره: انت قلت هالكلام ولاّ لا؟

حنّا نعرف ان عبدالله يحب ولد نايف، مع انه ما يحب نايف نفسه.

ونعرف ان الملك عبدالله ما يحب الدب الداشر، وقال لا عاد اشوفه قدام وجهي.

والدب الداشر اعترف بأن الملك عبدالله ما يودّه ولا يطيق شوفته.

الشيء اللي أعرفه وقد قلته لكم في أكثر من فيديو، أن ابن نايف مدمن مخدرات.

قلت هذا يوم كان الجميع يلمّع فيه، ويقول انه بطل القضاء على الإرهاب، وأنه بطل مكافحة المخدرات.

قلت هذا قبل سنتين، انه مدمن مخدرات وتعالج مدة سنة بس ما فاد.
برنامج الجنادرية مع غانم الدوسري

حساب تويتر


حساب فيس بوك

إيميل
[email protected]
whatsapp:
00447478260630
سناب