Shkon në gjyq dosja e Lule Makashit, e cila akuzohet se mashtroi 100 persona për punësim në Kanada e Australi.

Makashi ishte administratore e agjencisë së punësimit Ande Lm, e cila kërkonte 2 deri në 5 mijë euro.

Të mashtruarit kërkuan hetimin e rastit në prokurori. Makashi u prangos 1 vit më parë së bashku me vajzën dhe një punonjës të saj.

Prokuroria i ka bllokuar Makashit asetet dhe llogarit bankare. Dosja në gjyq është me akuzën e mashtrimit të rëndë, evazionit fiskal, falsifikimit të dokumenteve, shpërdorimit të detyrës.