_ မြန်မာနိုင်ငံဆိုင်ရာ ငွေကြေးအဆင့်သတ်မှတ်ဖို့အတွက် Citi (စီတီ) နဲ့ Standard Chartered Bank (စတန်းဒတ် ချာတာ ဘဏ်) တို့ကို အကြံပေးအဖွဲ့များအဖြစ် မြန်မာနိုင်ငံအစိုးရက ခန့်အပ်လိုက်ပြီဖြစ်ပါတယ်၊ ဒီအဖွဲ့ အစည်းနှစ်ခုက မြန်မာနိုင်ငံအစိုးရနဲ့ ငွေကြေးဆိုင်ရာအကဲအဖြတ်အေဂျင်စီ သုံးခုဖြစ်တဲ့ Standard and Poor’s (စတန်းဒတ် အန် ပူးဝါး(စ))၊ Fitch Ratings (ဖစ်(ချ) ရိတ်တင်း(စ)) နဲ့ Moody’s (မူဒီ (စ)) တို့ကြားမှာ ပေါင်းကူးဆောင် ရွက်ကြမှာဖြစ်ပါတယ်။
ဒါ့အပြင် ဒီအကြံပေးအဖွဲ့တွေဟာ မြန်မာနိုင်ငံကလက်ရှိဆောင်ရွက်နေတဲ့ ငွေကြေးဈေးကွက်နဲ့ ရင်းနှီးမြှုပ်နှံမှုတွေအတွက် လိုအပ်မယ့် အချက်အလက်စုဆောင်းရေးကို ပိုပြီးတိုးတက်ကောင်းမွန်လာဖို့နဲ့ ရင်းနှီးမြှုပ်နှံသူတွေနဲ့ ထိတွေ့ဆက်ဆံရေး ကို ပိုအကျိုးရှိအောင် ဆောင်ရွက်ကြမှာဖြစ်ပါတယ်။
အစိုးရအနေနဲ့ citi (စီတီ)နဲ့ standard chartered Bank (စတန်းဒတ် ချာတာ ဘဏ်)တို့ကို ရွေးချယ်လိုက်တာဟာ တစ်ခြားနိုင်ငံတွေမှာလည်း ငွေကြေးဈေးကွက်တွေကို အထောက်အပံ့ဖြစ်ပေါ်စေဖို့ ကျယ်ကျယ်ပြန့်ပြန့် လုပ်ကိုင်နိုင်တာ ကြောင့်ဖြစ်တယ်လို့ သိရပါတယ်။
ဒီလိုမျိုး ယုံကြည်စိတ်ချရတဲ့ ငွေကြေးအဆင့်သတ်မှတ်မယ့်စနစ်တွေရှိလာမယ်ဆိုရင် နိုင်ငံတကာဈေးကွက်တွေမှာ မြန်မာနိုင်ငံအနေနဲ့ ပွင့်လင်းမြင်သာမှုရှိလာမှာဖြစ်ပြီး နိုင်ငံရဲ့ငွေချေးငှားမှုအတွက် ကုန်ကျစားရိတ်သက်သာစေမှာဖြစ် တဲ့အပြင် ငွေအရင်းအနှီးရှာဖွေဖော်ဆောင်ရေးကိုလည်း အထောက်အကူပြုနိုင်မှာဖြစ်ပါတယ်။