Report TV - Arrestohet Genis Mëhillaj, sekser i vrasësit me pagesë Julian Sinanaj

Report TV 2017-06-04

Views 28

Policia e Tiranës ka arrestuar Genis Mehillajn, personin i cili bënte rolin e sekserit mes vrasësit me pagesë Juljan Sinanajt dhe biznesmenëve që porositnin vrasjet.

Arrestimi i 46-vjeçarit është bërë në Tiranë, ku mendohet se ai fshihej që prej 3-vjetësh.

Genis Mehillaj është dënuar me 10 vjet burg për vrasje dhe mbajtje e armëve pa leje dhe ishte pjesë e grupit të tritolit bashkë me Juljan Sinanajn dhe Andon Mehillajn.

Genis Mehillaj bashkë me kushëririn e tij Andon Mëhillaj, të arrestuar tashmë, bënin lidhjet mes biznesmenëve dhe Julian Sinanajt, për të ekzekutuar personat që biznesmenët kërkonin.

Për këtë shërbim dy kushërinjtë mendohet se paguheshin nga 20-30 mijë euro.

Nga hetimet e Prokurorisë mendohet se Genis mehillaj dhe Andon Mehillaj krijonin lidhje me biznesmenët. Në momentin kur biznesmenët ankoheshin për rivalët, atëherë Mehillajt i propozonin ta vrisnin.

Për të bindur biznesmenët Genis Mehillaj dhe Andon Mehillaj u thonin se njihnin një vrasës me pagesë që nuk linte gjurmë, pikërisht Juljan Sinanajn. Pasi i bindnin biznesmenët për të vrarë rivalin, nisnin diskutimet për çmimet e vrasjes me Juljan Sinanjt.

Vrasësi me pagesë Juljan Sinanaj u kërkonte foto dhe informacion për personin që duhej vrarë. Për këtë shërbim Genis Mehillaj dhe Andon Mëhillaj dyshohet se merrnin 20-30 mijë euro.

Share This Video


Download

  
Report form