Një aksident me vdekje ka ndodhur mesditën e sotme në Tiranë. Burime nga policia e kryeqytetit kanë thënë për tvklan.al se një automjet ka përplasur një këmbësor tek Dogana.

Mësohet se viktima është rreth 50 vjeç, por ende nuk është identifikuar. Në videon që ka siguruar tvklan.al duken momente kur një efektiv policie po mundohet ta mbaj në jetë.

Fatkeqësisht këmbësori ka ndërruar jetë në vend. Policia ka shoqëruar drejtuesin e automjetit dhe po punon për zbardhjen e shkaqeve./tvklan.al