Opozita shqiptare radikalizon dhe ekstremizon aksionin e saj politik, në përpjekje për të detyruar koalicionin PS-LSI që të dorëzojnë pushtetin, për krijimin e një qeverie të përbashkët.

Një pjesë e simpatizantëve të PD që morën pjesë dje në protestë e kanë kaluar natën në çadrat e ngritura para Kryeministrisë, ndërsa kryetari i PD, Lulzim Basha ka deklaruar se do të vazhdojë deri në largimin e Ramës nga qeveria.

Basha tha se mbështetja qytetare, por edhe ajo ndërkombëtare po rritet pro kauzës së opozitës shqiptare. Ai foli për një demokraci të re që do të lindë nga sheshi para Kryeministrisë, që do t'i japë fund sipas tij, demokracisë fasadë që solli Rama.

"Kemi një demokraci fasadë, ku shkelen përditë të drejtat e qytetarëve kemi parlament fasadë, që nuk përfaqëson as socialistë e as demokratë.