Gjatë takimit me qytetarët e Kavajës, kryetari demokrat, Lulzim Basha ka lëshuar akuza edhe në drejtim të ish-kryebashkiakut të këtij qyteti, Elvis Rroshi.

Në këtë moment ka ndodhur edhe një incident mes Bashës dhe një prej pjesëmarrësve në këtë takim.

Ky i fundit i ka treguar Bashës punën e bërë nga kryetari i Bashkisë së Kavajës. ?Shih rreth e rrotull çfarë punë ka bërë bashkia Kavajë?, iu drejtua ai, Bashës.

Siç duket edhe në video, menjëherë pas kësaj ndërhyrje në fjalën e Bashës, në drejtim të tij shkojnë menjëherë disa mbështetës të PD, të cilët e largojnë nga tubimi.

Por, kush është i larguari me dhunë nga minitubimi i Bashës?

Mësohet se ai është Besnik Gjoni, një ish pishtar i demokracisë, i dekoruar posaçërisht për kontributin e tij.

Besnik Gjoni ka qenë kaherë mbështetës i PD, shoqërues e militant i flaktë i Sali Berishës.

Duket se ai është i pakënaqur me mënyrën e drejtimit të PD nga Basha si dhe me politikën e përbaltjes së gjithçkaje.