http://www.vizionplus.tv
https://facebook.com/VizionPlusTV
https://twitter.com/VizionPlusTV
Rreth 200 police u dërguan mëngjesin e kësaj te shtune në Sarandës, për të prangosur Klement Balilin, i njohur ndryshe si ?Eskobari i Ballkanit?. RENEA, forcat e lëvizshme operacionale, të ndihmuar nga efektivët e Sarandës e Gjirokastrës po kontrollojnë pothuajse të gjithë territorin e jugut. Deri në këto momente, kontrollet kanë rezultuar të pasuksesshme dhe nga Klement Balili, nuk ka asnjë gjurmë. Policia mbetet e rezervuar në dhënien e detajeve, pasi kërkimet vijojnë paralelisht edhe ne anën e kufirit grek. Në sitë po kalojnë gjithë bizneset e Balilit, banesa dhe gjithë vendet e dyshuara ku mendohet se ai mund të strehohet. Ndërkohe, Prokuroria e Krimeve të Rënda po heton pasurinë e ?Eskobarit te Ballkanit?, pas mbërritjes në Shqipëri të dosjes me 10 mijë faqe nga Greqia. Në bazë të ligjit antimafia, hetuesit do të verifikojnë te ardhurat e ish-zyrtarit te transporteve në Sarandë. Në fillim të muajit nëntor mbërritën në Tiranë 2 prokurorë grekë, të cilët kanë kërkuar intensifikimin e hetimeve pasurore edhe për familjarët e 46-vjeçarit. Ata jetojnë në disa vende të BE, si Itali e Gjermani.