Subscribe në Ora News këtu http://bit.ly/1s5j7UT

Bashkia e Tiranës sjell një tjetër surprizë për qytetarët, të cilët për një muaj do të kenë mundësi të shijojnë skulpturat e famshme të artistit italian Marco Lodola. I pranishëm në çeljen e ekspozitës në mjediset e Muzeut Kombëtar, ishte edhe kryebashkiaku Erion Veliaj, i cili vlerësoi prezantimin e këtyre veprave të famshme dhe falenderoi të gjithë ata që e mundësuan një gjë të tillë.
?Nuk ka bekim më të madh për një kryetar bashkie se sa të shohë që kryevepra botërore, si ?Reja? apo skulpturat e famshme të artistit Lodola, janë të aksesueshme për të gjithë qytetarët e Tiranës, nga fëmijët 8 vjeç deri në 80 vjeç. Unë besoj se kjo e bën qytetin pak më të mirë, kur kemi akses tek estetika, tek e bukura?, tha Veliaj, duke shtuar ajo imponon një sjellje më të përgjegjshme si qytetar. Ai shtoi se ashtu si Reja, edhe këto skulptura janë dhuratë për t?u shfaqur në Tiranës deri në janar 2017.
?E keni vënë re që përballë ?Resë? nuk hidhen më mbeturina?! E keni vënë re se përballë Elefantit te lulishtja e Presidencës nuk ka më mbeturina?! Ju mendoni se ndryshojnë njerëzit? Në fakt po! E bukura, estetikja, imponon një sjellje ndryshe. Nëse sheh pis, bën pis; nëse sheh pastër dhe provokohesh nga bukuria, nga drita apo arti që është derdhur aty, sigurisht që kjo të stimulon të jesh një qytetar më i përgjegjshëm dhe ta duash qytetin tënd?, tha ai.
Kreu i Bashkisë u shpreh se ambicia e Bashkisë së Tiranës është që të vijojë të realizojë aktivitete të tilla të tjera.
Veliaj tha se shumë shpejt do të prezantohen edhe idetë për ta kthyer Piramidën e Tiranës sërish në një epiqendër të aktiviteteve kulturore.

Për më shumë lexoni në: http://www.oranews.tv/vendi/tirana-zbukurohet-me-veprat-e-shndritshme-te-artistit-italian-marco-lodola/