TIRANE-Nelgert Pata, 34 vjeç u ekzekutua në një atentat në Fier 10 ditë më parë. I plagosur mbeti shoku i tij, Ari Alinani, 39 vjeç. Por ndërsa atentati që i mori jetën është ende në hetim ku ende asnjë person nuk rezulton i akuzuar, zbulohet një atentat tjetër që i është bërë të riut në stinën e verës.

Televizioni Report Tv e Shqiptarja.com ka siguruar ekskluzivisht pamjet e një prej kamerave të sigurisë pranë vendit ku 34-vjeçari Nelgert Pata, i shpëtoi një atentati pranë zonës së ish parkut në kryeqytet në 21 gusht të këtij viti.