Vetëm 1% e bizneseve shqiptare numërojnë më shumë se 50 punonjës, e megjithatë mbulojnë thuajse gjysmën e shitjeve në gjithë territorin.

Po kështu, këto ndërmarrje mbulojnë 38,9% të të punësuarve në gjithë Shqipëri dhe realizuan 64,0% të investimeve.

Të dhënat vijnë përmes rezultateve paraprake të Anketës së INSTAT të ndërmarrjeve për vitin 2015. Numri I kompanive në total rezulton 104 mijë, 22,7% më I lartë krahasuar me vitin 2014. Në këto kompani numërohen 434 mijë të punësuar.

Prodhuesit e shërbimeve janë sektori me numrin më të lartë të të punësuarve, 91 mijë, I pasuar nga sektori I tregtisë, ku numërohen 44 mijë punonjës.