Kryetari i LSI-së Ilir Meta ka votuar në selinë e LSI-së rreth orës 11:35. Meta qëndroi për disa minuta në vendin e votimit dhe në përfundim deklaroi përpara mediave se u vonua pak, pasi u mendua gjatë kryesisht për të rinjtë e LRI-së, pasi nuk donte të skualifikonte asnjërin prej tyre.

Kreu i LSI-së theksoi rëndësinë e procesit zgjedhor brenda partisë duke thënë se ky proces është një angazhim për ta çuar LSI-në në një stad më të ri.
"U vonova pak, u mendova shumë sepse nuk doja të hiqja asnjë emër tek lista e delegatëve të LRI-së por u detyrova të hiqja disa. Edhe tek e grave pak a shumë, por tek e para u vonova më shumë. Eshtë një proces pozitiv, do çlirojë energji shumë të mëdha brenda LSI.