TIRANE-Dy javë pasi Gjykata e Lartë i hoqi masën e sigurisë arrest në shtëpi duke i rikthyer lirinë, kryebashkiaku i Kavajës Elvis Roshi është paraqitur këtë të martë në prokurorinë e Tiranës për të dëshmuar në lidhje mbi hetimet që kanë nisur ndaj tij.

Roshi i shoqëruar nga avokati Theodhori Sollaku për afro 40 minuta kanë qëndruar në Prokurorinë e Tiranës ku prokurori Enklid Gjini e ka pyetur atë në lidhje mbi plotësimin e formularëve të vetëdeklarimit për efekt të ligjit të dekriminalizimit.