Pasaktësisë dhe gabimet më modeste, në plotësimin e deklaratës së pasurisë, do t?u kushtojnë prokurorëve dhe gjyqtarëve përjashtimin nga sistemi i drejtësisë. Një ditë pas udhëzimit për mënyrën dhe afatet e deklarimit të pasurive, Inspektoriati i Lartë i Deklarimit dhe Kontrollit të Pasurive u kërkon njerëzve të drejtësisë të zbatojnë me përpikëri modalitetet për plotësimin e deklaratës.

Kushti i parë ndëshkues është mosplotësimi i saktë dhe me vërtetësi i deklaratës së pasurisë, çka mund të passjellë shkarkimin nga detyra të subjektit të rivlerësimit, sipas ligjit të Vetingut. Përpos humbjes së funksionit, gjyqtarët dhe prokurorët që mashtrojnë me deklaratën e pasurisë ngarkohen edhe me përgjegjësi penale.